Ағымдағы жылдың наурыз айында «Көкшетау» МҰТП РММ бас директорының орынбасары Б.С.Маканов, сондай-ақ «Көкшетау» МҰТП РММ құқықтық жұмыс, кадр және ұйымдастыру жұмыстары, жануарлар әлемін күзету және молайту бөлімдерінің басшылары Ж.О.Есенова, Ф.Г.Ахметова және В.В.Егоров тарапынан Шалқар, Арықбалық, Зеренді, Орманды бұлақ және Айыртау филиалдарының ұжымдарында көшпелі кездесулер ұйымдастырылып, семинарлар өткізілді. Семинар барысында Қазақстан Республикасының «Сыбайлас жемқорлыққа қарсы іс-қимыл туралы» Заңының талаптары мен мемлекеттік қызметшілердің Әдеп кодексін сақтау мәселелері түсіндірілді.

Филиал ұжымдарының назары сыбайлас жемқорлыққа қарсы мемлекеттік саясатты іске асырудың маңыздылығына, мемлекеттік ұлттық табиғи парк қызметінде ашықтық пен адалдықты қамтамасыз етуге аударылды. Сонымен қатар сыбайлас жемқорлық тәуекелдерінің алдын алуға бағытталған жалпы профилактикалық шаралар, мемлекеттік инспекторлар мен мекеме қызметкерлерінің қызметтік міндеттерін орындау барысында жол беруге болмайтын құқық бұзушылықтар туралы мәселелер қозғалды.

Іс-шара барысында семинарға қатысушылар тарапынан қойылған сұрақтарға мекеме басшылығы тарапынан тиісті жауаптар берілді.

Көктемнің шуақты мерекесі – 8 наурыз қарсаңында табиғатты қорғау жолында аянбай еңбек етіп жүрген нәзік жандыларымызға ерекше алғыс білдіреміз.

«Көкшетау» мемлекеттік ұлттық табиғи паркінің ұжымында 2006 жылдан бері әртүрлі қызметтер атқарып, 2012 жылдан бастап орман кадастры бойынша инженер қызметін абыроймен атқарып келе жатқан Негметова Каламкас Бегайдаровна – өз ісіне адал, білікті маман.

Жылдар бойы жауапкершілік пен кәсібиліктің үлгісін көрсетіп, ұжым арасында сыйлы, беделді қызметкер атанып келеді. Табиғатты қорғау мен орман қорын есепке алу саласындағы еңбегі – парктің дамуына қосылған зор үлес.

Әке жолын жалғап, орман саласына адал қызмет етуді өмірлік мұрат еткен жан. Әкесі – Мұстафин Бегайдар Айтмағанбетович, орман шаруашылығы жүйесінде ұзақ жылдар бойы еңбек етіп, Озерный және Бұрлық орманшылықтарында бас бухгалтер, лесоуправлениеде бухгалтер-ревизор қызметтерін атқарған. Бұл – орман саласына деген құрмет пен жауапкершіліктің отбасылық дәстүрге айналғанының айқын көрінісі.

Осындай кәсіби әрі парасатты орманшы арулар – табиғаттың да, ұжымның да көркі! 🌿

❗️Өрттің алдын алу — оны сөндіруден әлдеқайда жеңіл 🚒🚒🚒

Көктемгі кезеңнің басталуымен ерекше қорғалатын табиғи аумақтарда орман өрттерінің алдын алу және оларды дер кезінде анықтауға бағытталған іс-шаралар кешені күшейтіледі. «Көкшетау» МҰТП РММ Зеренді филиалында өрт қауіпті маусымға дайындық жоспарлы түрде жүргізіліп, ұйымдастырушылық, техникалық және алдын алу бағыттарын қамтиды.

Жыл сайын өртке қарсы іс-шаралар жоспары бекітіледі, оған кезекшілік кестелері, патрульдеу маршруттары және орман күзеті мен төтенше жағдайлар қызметтерінің аумақтық бөлімшелерімен өзара іс-қимыл тәртібі кіреді. Мемлекеттік инспекторлармен, орманшылармен және филиал қызметкерлерімен орман өрттерін сөндіру тактикасы, қауіпсіздік техникасы және бастапқы өрт сөндіру құралдарын қолдану мәселелері бойынша нұсқамалар өткізіледі. Орман қоры мен оған іргелес аумақтарда өрт туындаған жағдайда жедел әрекет ету схемалары пысықталады.

26.02.2026 жылы «Көкшетау» МҰТП РММ басшылығымен Арықбалық филиалына сапары жүзеге асырылды, бұнда келесі сұрақтар бойынша мәжіліс өткізілді – 2026 жылғы өрт қауіпті кезеңіне мемлекеттік орман иеленушілерінің дайындығы бойынша міндеттер, филиалының тұрақты орман тұқымбағында отырғызу материалын өсіру, 2025 жылғы өрт қауіпті кезеңінің қорытындылары талқыланды, сондай-ақ жемқорлыққа қарсы мәдениетті қалыптастыру, жемқорлық көріністерін болдырмау сұрақтары қозғалды.

Мәжілісте филиал ұжымы 70 адамнан аса қатысып отырды.

Өткізілген іс-шара барысында филиал қызметкерлерімен сұрақтар қойылды, басшылық оларға жауаптар мен ұсыныстарын берді.

“Көкшетау” МҰТП РММ және Согров, Смирнов, Мамлют зоологиялық қаумалдарының аумағында жабайы жануарлардың санын анықтау үшін есеп жұмыстары жүргізілуде.

Табиғатты қорғау заңнамасының талаптарын сақтау бойынша рейдтік іс-шаралар.

«Зеренді» көлі бойынша

«Көкшетау» мемлекеттік ұлттық табиғи паркі Зеренді филиалында паркінің бас директорының төрағалығымен «Зеренді» көлінің мәселелері жөніндегі жұмыс тобының көшпелі отырысы өтті. Жұмыс тобының құрамына бірнеше мемлекеттік ұйымдардың өкілдері қатысты, атап айтқанда: Біріккен Ұлттар Ұйымының Даму бағдарламасы (БҰҰДБ) сарапшысы, Орталық Азия экологиялық зерттеулер институты мамандары (Алматы қ.), сондай-ақ Қазақстан Республикасы Орман шаруашылығы және жануарлар дүниесі комитетінің ЕҚТА басшылығы.

Көктемгі-жазғы кезеңде «Зеренді» көліндегі су деңгейінің көтерілуіне байланысты Зеренді ауылының көшелерінің су басу мәселесі талқыланды.

Көлдің жағалау аймағына ауыл жағынан визуалды тексеру жүргізілді. Отырыстың қорытындысы бойынша жергілікті атқарушы органдармен және бассейндік инспекциямен кешенді келісу жұмыстарын жүргізу туралы шешім қабылданды, өйткені бұл мәселе экологиялық маңыздылықпен қатар әлеуметтік сипаттағы мәселелерді де қамтиды.